Monday, 13 April 2015

جی ٹی روڈ سمیت گلیوں محلوں کی سٹریٹ لائٹس خراب ، چوری کی وارداتوں میں اضافہ

جہلم (سلام جہلم) جی ٹی روڈ سمیت گلیوں محلوں کی سٹریٹ لائٹس خراب ، چوری کی وارداتوں میں اضافہ ہو گیا۔ شہری ٹی ایم اے کی انتظامیہ کے خلاف سرا پا احتجاج ،ڈی سی او جہلم سے شہر اور جی ٹی روڈ پر نصب سٹریٹس لائٹس چالو کرنے کا مطالبہ ، تفصیلات کے مطابق نہ صرف جی ٹی روڈ پر نصب لائٹس کافی عرصہ سے خراب پڑی ہیں بلکہ شہر کے گلی محلوں میں سٹریٹ لائٹس کا نظام بھی انتہائی ناقص ہے میونسپل انتظامیہ اس گھمبیر مسئلہ کی طرف بالکل توجہ نہیں دے رہی جس کی وجہ سے راہگیروں اور ٹرانسپورٹروں ، سائیکل سواروں ، موٹر سائیکل سواروں ، کو شدید مشکلات کا سامنا کرنا پڑ رہا ہے ۔ رات کے اندھیر میں پیدل چلنے والوں کوکچھ بھی دکھائی نہیں دیتا عشاءاور فجر کی نمازوں کی ادائیگی کے وقت بزرگ شہری مسجدوں میں جاتے وقت گلی محلوںمیں اندھیرا ہونے کی وجہ سے گلیوں میں موجود نالوں اور گڑھوں میں گرتے ہیں۔ علاوہ ازیں سٹریٹ لائٹس بند ہونے کے سبب چوری کی وارداتوں میں اضافے کا اندیشہ بھی پیدا ہو گیا ہے تھوڑی سی دلچسپی سے یہ نظام درست کیا جا سکتا ہے جو کہ تحصیل میونسپل ایڈمنسٹریشن کی انتظامیہ کی نااہلی کے باعث ممکن نہیں ہو پا رہا شہریوں نے ڈی سی او جہلم سے مطالبہ کیا ہے کہ اندرون شہر کے علاوہ جی ٹی روڈ پر نصب سٹریٹس لائٹس کو چالو کرنے کے احکامات جاری کئے جائیںاور میونسپل انتظامیہ کی توجہ اس طرف دلوائی جائے۔

سیکرٹری لیبر ڈیپارٹمنٹ حسن اقبال کا خصوصی دورہ، گھی خوردنی تیل کے نرخوں کے حوالے سے اہم اجلاس

جہلم (سلام جہلم) سیکرٹری لیبر آج جہلم کا دورہ کریں گے گھی خوردنی تیل کے نرخوں کے حوالے سے اہم اجلاس منعقد ہو گا۔ تفصیلات کے مطابق سیکرٹری لیبر ڈیپارٹمنٹ حسن اقبال آج جہلم کا خصوصی دورہ کریں گے اس موقع پر گھی خوردنی تیل کے نرخوں کے حوالے سے خصوصی اجلاس منعقد ہو گا۔ جسمیں حکومت پنجاب کیطرف سے شہریوں کوگھی و کوکنگ آئل کے نرخوں میں دئےے گئے ریلیف کے حوالے سے مقرر کردہ نرخوں کو یقینی بنانے اور عمل درآمد کرنے کے حوالے سے احکامات جاری کئے جائیں گے اور حکومتی نرخو ںکو مضافاتی علاقوں میں نافذ کرنے کے حوالے سے لائحہ عمل طے کیا جائےگا۔